Azərbaycan rusların müşayiəti ilə ermənilərin Qarabağa silah daşımasına xəbərdalıq etdi

GADTB: Xankəndi-Xəlfəli-Turşsu torpaq yolunda baş vermiş insidentdən sonra ermənilər eyni yoldan hərbi təyinatlı yükləri daşımağa davam edib, bu dəfə Rusiya sülhməramlının müşayiəti ilə. Rusların orada olması Azərbaycanın müdaxiləsinin qarşısını almaq məqsədi daşıyır.

Bu, həm də Azərbaycan Müdafiə Nazirliyinin dünənki xəbərdarlığına baxmayaraq, ermənilərin planlarından əl çəkmədiyinin isbatıdır.

Azərbaycan Müdafiə Nazirliyi eyni məzmunlu xəbərdarlığı bu gün də edib. XİN də bəyan etdi ki, “Azərbaycan bütün zəruri addımları atmaqda qərarlıdır və bu ölkəmizin suveren hüququdur”.

Rəsmi Bakının indi xəbərdarlıqla kifayətlənməsinin iki mümkün səbəbi ola bilər: ya Qarabağda erməni əhalisinin inteqrasiyasının aktual olduğu vaxt yeni gərginliyin prosesə zərər verəcəyini nəzərə alaraq, hələ ki, ritorikadan istifadə edir; ya da miqyası və hədəfi baxımından daha genişçaplı addımlar atılacaq və “biz dəfələrlə xəbərdarlıq etdik” istiqamətində beynəlxalq ictimai rəyi formalaşdırır.

Ermənilərin xəbərdarlıqları nəzərə almadığı təcrübəsi və Bakının bunu bildiyi reallığını nəzərə alsaq, ikinci versiya daha güclüdür.

Həmçinin yoxlayın

Zərşuran kəndində əhali etiraza qalxıb

GADTB-nin Mətbuat Mərkəzinə daxil lan məlumata görə, Qərbi Azərbaycan əyalətinin Zərşuran kəndində azərbaycanlı əhali martın …

İran Araz çayının radiasiya ilə çirklənməsini inkar edir

GADTB: “Arsheh Online” saytı xəbər verir ki, Araz çayı çirklənib və Ərdəbil əyalətin xərçəng xəstəliyinə …