GADTB-nin Mətbuat Mərkəzinə daxil olan məlumata görə, Azərbaycan səfiri Əli Əlizadə İran məclisinin erməni deputatlarına sərt cavab verib.
Azərbaycan Respublikasının İrandakı səfiri Əli Əlizadə Şuşa məscidində və təmas xəttində verilən Azan sədasının Xankəndində eşidilməsinə İran parlamentinin 2 erməni deputatının etiraz etməsinə münasibət bildirib.
Bu barədə Azərbaycan səfiri özünün “Twitter” hesabında paylaşım edib.
“Şuşa məscidində və təmas xəttində verilən Azan sədasının Xankəndində eşidilməsindən İran parlamentinin 2 erməni əsilli deputatı narahat olub və bunu psixoloji təzyiq adlandırıblar.
Ümid edirəm ki, din alimləri Azanın müqəddəsliyini və Xankəndinin kimə aid olduğunu onlara başa salar”, – deyə səfir bildirib.