Azərbaycan torpaqlarında 30 il ərzində müharibə cinayətləri törədilib

GADTB-nin Mətbuat Mərkəzinə daxil olan məlumata görə, Azərbaycan Müdafiə nazirinin müavini, Baş direktor Aqil Qurbanov Bakıda keçirilən “Hərbi əməliyyatların idarə olunmasında beynəlxalq qaydalar üzrə yüksək səviyyəli seminar”da (SWIRMO) deyib ki, Azərbaycan torpaqlarında 30 il ərzində davamlı olaraq müharibə cinayətləri törədilib.

O bildirib ki, bu müddət ərzində davamlı olaraq mülki əhali, infrastruktur, bağçalar, məktəblər atəşə tutulub: “30 il ərzində həyata keçirilən hərbi cinayətlər nəticəsində təəssüf ki, mülki şəxslər arasında da böyük itkilər olub. Bu müddət ərzində itkin düşmüş 4000 min azərbaycanlı haqqında isə heç bir məlumat verilmir”.

Bölgədə uzun illər ərzində basdırılmış minaların təhdid olduğunu deyən nazir müavini qeyd edib ki, 2020-ci il 10 Noyabr üçtərəfli bəyannaməsindən sonra 379 nəfər mina qurbanı olub: “Azad olunmuş ərazilərdə indiyədək 156 mindən çox partladılmamış sursat aşkar olunaraq zərərsizləşdirilib. Təqdim olunan mina xəritələri isə qeyri-dəqiqdir”.