GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Tehranda yaşayan azərbaycanlı milli fəal Əli Rəzizadə Nadarlı həbs cəzasını çəkmək üçün bir sıra mədəni fəalların müşayiəti ilə Evin həbsxanasına yollanıb.
Qeyd edək ki, Azərbaycan Milli Hərəkatının fəalı Əli Rəzizadə Nəzərlu Tehran İnqilab Məhkəməsinin hakimi Sələvatinin sədrlik etdiyi 15-ci şöbəsi tərəfindən “Ölkə təhlükəsizliyini pozmaq məqsədi ilə qeyri-qanuni pantürkizm qrupuna üzv olmaq” ittihamı ilə 2 il həbsə məhkum edilib. Onun əlavə cəzalara, o cümlədən 2 il qruplara üzv olmağı və ölkədən çıxışı qadağan edilib.
Məhkəmə qərarında deyilirdi: “…İnstaqramda etnik və pantürkist düşüncələrin təbliği və separatçı hərəkatların dəstəklənməsi sahəsində səhifənin yaradılması və pantürkist anti-təhlükəsizlik məhbuslarına dəstək verən videoçarxın dərc edilməsinə, GAMAC , Abbas Lasani, Lətif Hüsni və İbrahim Nuri və digərlərini himayə ediyi üçün 2 il həbsə, 2 il qruplara üzv olmaq və ölkədən çıxış qadağasına məhkum edilib.
