GADTB-nin Mətbuat Mərkəzinə daxil olan məlumata görə, azərbaycanlı fəalYusif Pircani rejimin Xoy şəhərindəki zindanından sərbəst buraxılıb.
GüneyAzərbaycanın Xoy şəhərində həbsdə saxlanılan azərbaycanlı milli-mədəni fəal Yusif Pircani yanvarın 26-da həbsinin bir müddətini çəkdikdən sonra qalan 69 gün həbs cəzası şərti cəza ilə dəyişdirilərək sərbəst buraxılıb.
Yusif Pircani 2021-ci il dekabrın 22-də Xoy şəhərinin İran rejiminin İnqilab Məhkəməsinin qərarların icra edən bölməsinə müraciə etdikdən sonra yaxalanaraq, rejimin Xoy şəhərindəki zindanına salınmışdı.
Yusif Pircani “Sistemə qarşı təbliğat” ittihamı ilə 3 ay həbs cəzasına məhkum edilmişdi.
Qeyd edək ki, azərbaycanlı fəal 2021-ci ilin iyul ayının 24-də Xoy şəhərində rejimin ETTELAAT məmurları tərəfindən yaxalanmış və 15 gündən sonra ağır girov qarşılığında zaminə buraxılmışdı.
Yusif Pircani ilə yanaşı iİyulun 24-də Təbriz başda olmaqla Güney Azərbaycan şəhərində əl-Əhvaz etirazlarına dəstək mitinqində çox sayda fəal yaxalanmışdı.