GADTB-nin Mətbuat Mərkəzinə daxil olan məlumata görə, Azərbaycanlı fəal Hüseyn Səttari türkcə təqvimə görə İran rejiminin təzyiqlərilə qarşılaşıb.
Azərbaycanlı fəal bu barədə sosial şəbəkədə məlumat paylaşıb.
Məlumata görə, Güney Azərbaycanın Miyana şəhərindən olan azərbaycanlı fəal Hüseyn Səttari İranın ETTELAAT məmurları tərəfindən təzyiqlərə məruz qalıb.
Səttari türkcə təqvim çap etdirdiyi üçün İranın ETTELAAT məmurlarının basqıları ilə qarşılaşıb. O rejiminin məmurları tərəfindən dindirilib və ona məxsus mobil telefon və noutbuk qanunsuz olaraq alınıb.
Azərbaycanlı fəa bu barədə yazıb: “Türkcə təqvim çap etdiyim üçün üç ETTELAAT məmuru göndərib və onu mağazanın divarından qoparıb aparmaları, noutbuk və mobil telefonunu götürmələri təhqirin son həddidir. Miyana şəhərinin ETTELAAT İdarəsi noutbuk və telefonumu aldılar. Onlar 48 saat yoxlamadan sonra mobil telefonumu verdilər lakin komputerimi özümə qaytarmadılar”.