Azərbaycanlı fəallar Ərdəbildə Urmiya gölü ilə bağlı aksiya keçirib

GADTB-nin Mətbuat Mərkəzinə daxil lan məlumata görə, Ərdəbildə azərbaycanlı milli-mədəni fəallar Urmiya gölünün qurudulmasına qarşı başladılan kampaniyaya dəstək aksiyası keçiriblər.

Onlar şəhər məhəllələrinin divarlarına “Urmu gölünün ölümü=Azərbaycan uşaqlarının ölümü”, “#Urmu_gölü_can_verir” və “#Urmu_gölü” şüarları yazmaqla rejimin Urmiya gölünü qurutmasına etirazlarını bildiriblər.

Qeyd edək ki, molla rejiminin Güney Azərbaycanda törətdiyi ekoloji fəlakətlə bağlı ictimaiyyəti məlumatlandırmaq və Urmiya gölünün acınacaqlı durumunu vətəndaşların və beynəlxalq ictimaiyyətin diqqətinə çatdırmaq məqsədilə “#Urmu_Araz_Üçün_Birlik” həştəqi altında kampaniyaya start verilib.

Bununla yanaşı müxtəlif aksiyalarla da rejimin Urmiya gölünü qurutmasına qarşı etirazlar baş verir.