GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, azərbaycanlı fəalların müqaviməti nəticəsində adı farscaya tərcümə edilərək dəyişdirilən Gölbaşı küçəsinin adı qaytarılıb. Artıq küçənin tablosunda Gölbaşı sözü yazılıb.
Qeyd edək ki, irqçi fars rejimin Təbriz bələdiyyəsindəki əlaltıları şəhərin Küçəbağ məhəlləsində yerləşən Gölbaşı küçəsinin adını farslaşdırmışdılar.
Rejim Azərbaycan türk millətinə qarşı mənəvi soyqırım siyasətinin davamında küçənin türkcə adını farscaya dəyişdirərək Səreistəxr adlandırmışdılar.
İrqçi fars rejim Pəhləvi rejiminin irqçi və Antiazərbaycan siyasətini davam etdirərək, Azərbaycan türk millətini məhv etmək məqsədilə türk mənşəli yer adlarını farslaşdırır.
