GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Tehranın Evin zindanında həbsdə saxlanılan Tehran Avtobus Şirkəti İşçilərinin Həmkarlar İttifaqı İdarə Heyətinin üzvü Rza Şəhabinin həyatı təhlükədədir.
Tehran Avtobus Şirkəti İşçilərinin Həmkarlar İttifaqının yaydığı məlumatda bildirilib ki, Rza Şəhabinin səhhətinin ağır olmasına və həkimlər heyətinin onun təcili əməliyyat edilməsi barədə qərarına baxmayaraq, işçi fəalın xəstəxanaya köçürülməsinə icazə verilmir.
Həmkarlar ittifaqının bəyanatında bununla bağlı deyilir: “Bu, Rza Şəhabinin həyatına qarşı məqsədli sui-qəsddir, baş verəcək xoşa gəlməz hadisəyə görə hakimiyyət və həbsxana rəhbərliyi məsuliyyət daşıyır”.
Qeyd edək ki, 2022-ci il mayın 12-də həbs edilən fəal əslən Güney Azərbaycanın Şəbistər şəhərindəndir.
O, “hökumətə qarşı təbliğat” və “ökənin milli təhlükəsizliyinə xələl gətirmək üçün toplaşmaq və əlbir olmaq”da ittiham edilərək 6 il azadlıqdan məhrum edilib.
Rza Şəhabi bundan öncə dinc fəaliyyətlərinə görə 6 il həbsdə qalıb. Həbs edildiyi zaman məmurlar tərəfindən döyüldüyü üçün fəqərə sütunu və boyun nahiyəsindən ağır xəsarət almışdı.
