Azərbaycanlı məhbuslar Evin zindanının rəisindən şikayət ediblər

GADTB: Azərbaycanlı siyasi məhbuslar Evin zindanının rəisindən şikayət ediblər. Buna səbəb azərbaycanlı məhbuslardan 5 nəfərinin Böyük Tehran Zindanına köçürüldükdən sonra onların Evin zindanındakı şəxsi əşyalarının oğurlanmasıdır.

İndiyədək cənab Mahmud Ocaqlu və Murtəza Pərvindən başqa, Evin həbsxanasındakı daha üç siyasi məhbus, o cümlədən Şəhriyar Barati, Mir Yusef Yunisi və Əmir Hüseyn Muradi həbsxana nəzarətçisinə qarşı rəsmi şikayət veriblər.

İsrailin əvvəlcədən xəbərdarlıq etmədən Evin həbsxanasını bombalamasından sonra digər siyasi məhbuslarla birlikdə Böyük Tehran zindanına köçürülən bu azərbaycanlı məhbuslar şəxsi əşyalarının oğurlanmasında əsas məsul şəxs kimi Evin həbsxanasının rəhbəri Hidayətullah Fərzadini müəyyən ediblər.