GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Mərənd və Culfa bölgəsin millət vəkili Məhəmməd Həsənnejad İran məclisinin Suriyanın kürd terror qruplaşmasının məclisinə çevrilib, terrorçuların mövqeyini sərgiləməsinə kəskin etiraz etdi.
O irqçi fars rejimin himayəsi ilə bəzi üzdəniraq millət vəkillərinin PYD/PKK terror təşkilatını məclisin tribunasından dəstəkləməsinə sərt reaksiya göstərib.
O, millət vəkillərinin Türkiyənin Suriyanın şimalında başladığı “Sülh çeşməsi” (Barış pınarı) əməliyyatından sonrakı mövqe dəyişikliyini tənqid edib.
“Biz dünənə kimi onlar barəsində “ABŞ-ın dəstəklədiyi terrorçulardır və əsgərlərimizi şəhid edirlər” deyirdik. İndi bu terrorçulara niyə üzülürük?”, – o deyib.
Bəzi millət vəkillərinin əməliyyatın kürt millətinə qarşı olması barədə fikirlərə gəlincə, Məhəmməd Həsənnejad ölkədə yalnız bir – İran milləti olduğunu, “kürd milləti” ifadəsinin separatçı kürdlər üçün faydalı olduğunu bildirib.
“Bu İran parlamentidir, yoxsa Suriya kürdlərinin parlamentidir”, – o vurğulayıb.
Qeyd edək ki, irqçi farsrejim bir neçə gündür davamlı şəkildə terrora dəstək aksiyası təşkil edir.
