GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, azərbaycanlı milli fəal İbrahim Asimaninin (Azəroğlu) apellyasiya şikayətinə baxılıb.
Təbrizin 2 saylı Cəza Məhkəməsinin 118 saylı şöbəsində hakim Nəqi Rzainin sədrliyi ilə əvvəllər 3 ay 1 gün həbs və 30 şallaq zərbəsi cəzası alan İbrahim Asimani (Azəroğlu) barəsində apellyasiya məhkəməsi keçirilib.
“Qeyri-ənənəvi geyimlə ictimai asayişi pozmaq” və “Zöhrə Vəfainin dəfn mərasimində qalmaqal və mübahisə yaratmaq” ittihamları ilə təqsirli bilinən Azəroğlu özünü həm şifahi şəkildə müdafiə edib və məhkəməyə yazılı ifadəsini də təqdim edib.
Məlumatlı mənbələrin sözlərinə görə, onun həbsinə səbəb dəfn mərasimində Azərbaycan milli geyimində iştirak etməsi olub. Məlumatlarda bildirilir ki, tədbirdə olan təhlükəsizlik işçiləri cənab Azəroğlunun paltarını dəyişməsini istəyib və onun müqavimətindən sonra onu həbs edərək Kəşfiyyat İdarəsinə təhvil veriblər.
