Azərbaycanlı milli-mədəni fəal məhkəməyə çağırıldı

GADTB-nin Mətbuat Mərkəzinə daxil olan məlumata görə, Təbrizdə yaşayan Azərbaycanlı milli-mədəni fəal və Azərbaycan rəqsi müəllimi Peyman İbrahimi Dinvər rejimin Təbrizdə məhkəmə qərarlarının icrası bölməsinə çağırılıb.

Məhkəmənin həmin bölməsindən göndərilən çağırış məktubunda o, Azərbaycan rəqsi təlim etməklə “ictimai əxlaqa və cəmiyyətin tərbiyə qaydalarına zidd” hərəkət etməkdə günahlandırılıb.

Fəala göndərilən çağırış məktubunda onun 5 gün ərzində məhkəməyə getməsi istənilib və əks təqdirdə məhkəməyə aparılması üçün başqa tədbirlər görüləcəyi bildirilib.

Qeyd edək ki, Peyman İbrahimi 26 avqust 2023-cü ildə Təbrizdə həbsb edilmiş, həbs zamanı ağır şəkildə döyülmüşdü.

Azərbaycanlı milli-mədəni fəal oktyabrın 25-də girov qarşılığında müvəqqəti olaraq məhkəməyə qədər zaminə buraxılıb.