GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin Təbrizdəki Ümumi və İnqilab Prokurorluğu azərbaycanlı milli-mədəni fəal və sənətçilər Əhməd və Mustafa Əşrəfi Liqvan qardaşlarına prokurorluğa çağırıb.
Bununla bağlı rejimin məhkəmə sistemindən fəallara bildiriş göndərilib. Azfəallardan istənilib ki, rejimin Təbrizdəki Ümumi və İnqilab Prokurorluğunun 15-ci bölməsinə getsinlər.
Qeyd edək ki, Əşfəri Liqvan qardaşları bundan öncə mayın 22-də özlərinin iş yerində rejimin təhlükəsizlik məmurları tərəfindən yaxalanaraq ETTELAAT təcridxanasına aparılmışdılar.
Onlar 11 gün ETTELAAT təcridxanasında dindirildikdən sonra rejimin Təbrizdəki zindanına köçürülmüşdülər.
Azərbaycanlı qardaşlar “Hökumətə qarşı təbliğat fəaliyyəti göstərmək”də ittiham olunaraq, iyun ayının 5-də 100 milyon tümən girov qarşılığında məhkəməyə qədər zaminə buraxılmışdılar.
