GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın məşhur şairi, yazıçısı, tədqiqatçısı və türkoloğu alimi professor Hüseyn Məhəmməzadə Sədiq beyin şişinin müalicəsi ilə əlaqədar olaraq, 06.05.2022-ci il tarixindən etibarən Tehran şəhərinin Şəriəti xəstəxanasına yerləşdirilib.
Qeyd edək ki, doktor Sadiq cənablarından çoxlu əsərlər qalıb. Molla Məhəmməd Füzulinin şer divanları, Bayrak Kuşçuoğlunun divanı, Əmir Əlişir Navainin əsərləri, Əbülqasım Nəbatinin divanı, İmadəddin Nəsiminin divanı, Qəribi Təbrizinin divanı, Şeyh Səfiyəddin Ərdəbilinin əsərləri kimi çoxlu əsərlərin redaktorluğu, hazırlaması və çap etməsini yekunlaşdırmışdır. Əmir Əli Şir Nəvainin əsərlərinin redaktorluğuna və nəşr etidirilməsinə görə Özbəkistan Respublikasının “Dostluq” ordeni ilə təltif edilib. Ədəbi fəaliyyətinə Təbrizdə “Məhd Azadi” həftəlik İncəsənət və İctimai qəzetində başlayan Hüseyn Sədiq cənabları, daha sonra 1971 və 1981-ci illərdə Yoldaş, Inqilab Yolunda, Yeni Yol, Bültən və Səhənd Həftəlik Qəzeti kimi mədəniyyət sahəsindəki jurnallar çərçivəsində fəaliyyətinə davam etmişdir. Yuxarıdakı əsərlərlə yanaşı, o, bir neçə şer kitabı və Azərbaycan dilində müxtəlif tərcümələr hazırlayıbdır. Bu müəllifin əsərləri İranda ümumən fars və Azərbaycan dillərində Hüseyn Sadiq, Hüseyn M. Sədiq, Hüseyn Düzgün və ya Hüseyn Sirxabli imzaları ilə nəşr edilib. Hüseyn Məhəmmədzadə Sadiq İran İslam Respublikası Konstitusiyasının prinsiplərinə uyğun olaraq, İranda fars dili yanında Azərbaycan dilinin tədris edilməsi sahəsində fəaliyyət göstərən qabaqcıllardan biri olub.
