GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Urmiya şəhərinin Durnalar Yuvası stadionunda “Urmiya Bələdiyyəsi” və “Çadormalu Ərdəkan” voleybol komandaları arasında keçirilən yarışda azərbaycanlı tərəfdarlar milli şüarlar səsləndiriblər.
Azərbaycanlı tərəfdarlar həmçinin Urmiya gölünün İran hökuməti tərəfindən qəsdən qurudulmasına etiraz məqsədi də şüarlar səsləndiriblər.
Stadionda azərbaycanlı fəallar o cümlədən aşağıdakı şüarları səsləndiriblər:
“Azərbaycan!”;
“Azərbaycan var olsun, istəməyən kor olsun!”;
“Azərbaycan qızları, göylərin ulduzları!”;
“Gəlin gedək ağlayaq, Urmu gölünü dolduraq!”;
“Urmu gölü susuzdu, Azərbaycan dayanmasa uduzdu!”;
“Bu səs Urmudan gəlir!” və s.
