GADTB Güney Azərbaycan Demokratik Türk Birliyi
GADTB: Beynəlxalq Əfv Təşkilatı İsveçin Göteborq şəhərində İran-İsveç vətəndaşlığı olan, hazırda Tehranda edam hökmünə məhkum edilmiş azərbaycanlı həkim və tədqiqatçı Əhməd Rza Cəlalinin durumuna diqqət çəkmək üçün konfrans təşkil edib. Tədbirin məqsədi həm ictimaiyyət, həm də hökumətlər arasında Cəlalinin taleyi ilə bağlı təcili addımların atılmasına çağırış etmək olub.
Təşkilatın üzvü Rza Borumənd bildirib ki, Cəlalinin 10 ildir haqsız yerə həbsdə saxlanılması beynəlxalq hüquqa ziddir:
“Bu seminarın məqsədi günahsız mühakimə olunmuş professor Əhməd Rza Cəlalinin həyatını xilas etmək üçün diqqəti yenidən bu məsələyə yönəltməkdir”.
O, deyib ki, İsveç hökumətinin Cəlalini Həmid Nuri ilə dəyişmək cəhdləri uğursuz olub və bunun qəbul edilməz olduğunu qeyd edib.
