GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin yaxaladığı bir neçə azərbaycanın milli-mədəni fəal 10 aya yaxındır mühakimə edilmədən rejimin Marağada yerləşən zindanında saxlanılır.
Bu barədə azərbaycanlı milli-mədəni fəal və yazıçı İbrahim Savalan da özünün Teleqram səhifəsində məlumat yayıb.
Rejimin yaxaladığı həmin fəallar Məhərrəm Xoşnam, Əkbər Əzizi, Həkimə Əhmədi, Qulamrza Rəşidi, Məhəmmədrza Qurbani və Əbülfəz Fəkuridən ibarətdir. Həmin fəallar hazırda mühakiməsiz rejimin Marağada yerləşən zindanında saxlanırlar.
Qeyd edək ki, irqçi fars rejimin Binabda yerləşən məhkəməsi adı çəkilən mədəni fəalları Novruz bayramında türkçə təqvim paylamaq və Teleqramda Milli təhlükəsizliyi pozmaq niyyəti ilə qrup yaratmaqda ittiham edib. Fəalların həbs müddəti boyunca ailələri əlaqə yaratmasının qarşısı alınıb. Həkimə Əhmədinin 10 aydır oğlu İlqar və anası ilə görüşməsinə imkan verilmir. Yalnız qardaşı ilə 2 dəfə görüşü olub.
