Türkmənbaşıdan Xəzərdə logestika mərkəzinin yaradılmasını təklif etdi

GADTB-nin Mətbuat Mərkəzinə daxil olan məlumata görə, Türkmənistan Prezidenti Qurbanqulu Berdiməhəmmədov Xəzər regional logistika mərkəzinin yaradılması təklifi ilə çıxış edib. Bu barədə Q.Berdiməhəmmədov I Xəzər İqtisadi Forumunda çıxışı zamanı bildirib.

Onun sözlərinə görə, Xəzəryanı ölkələrin ərazisinin şərqdə Cənubi Asiya və Asiya-Sakit okean regionuna, qərbdə Qara və Aralıq dənizlərinə, cənubda İrandan keçərək Yaxın və Orta şərqə, şimalda isə Rusiyadan keçərək Baltik dənizinin sahillərinə birbaşa çıxışı var.

Türkmənistan prezidenti qeyd edib ki, belə konfiqurasiya bütün 4 istiqamətdə davamlı marşrutların yaradılması üçün imkanlar açır və onların normal işləməsi üçün Xəzəryanı dövlətlər öz aralarında yaxşı nəqliyyat əlaqəsi sistemi yaratmalıdır.

O vurğulayıb ki, region ölkələri müasir liman infrastrukturu qurmalı, effektiv logistikanı təmin etməli və nəqliyyat sahəsində əməkdaşlıq planı üzərində daha aktiv çalışmalıdır.