GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Birləşmiş Millətlər Təşkilatı Baş Assambleyası İranda insan haqlarının pozulmasını pisləyən qətnamə qəbul edib.
Baş Assambleyasının iclasında 78 lehinə, 31 əleyhinə və 69 bitərəf səslə İranda insan haqlarının pozulmasını pisləyən qətnamə təbul edilib. Həmin qətnamənin qəbul edilməsi ilə İranın insan haqları dosyesi bir il daha açıq qalacaq.
Qeyd edək ki, BMT Baş Assambleyasının üçüncü komitəsi İrana qarşı qətnamənin layihəsini daha öncə noyabr ayında qəbul edib.
Qətnamə İranda insan haqlarının vəziyyətindən narahatlığını ifadə edərək İrandan tələb edir ki, çox sayda edam cəzaları, o cümlədən uşaqların edam edilməsi və zindanların şəraitinin yaxşılaşdırılması məsələsinə baxılsın, habelə real həyatda və ictimai şəbəkələrdə söz və toplaşmaq azadlığına qoyulan məhdudiyyətlər aradan qaldırılsın.
Eyni zamanda Kanada da İranda insan haqlarının geniş və sistematik şəkildə pozulmasını pisləyən qətnamə qəbul edib.
