GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran rejiminin məhkəməsi azərbaycanlı milli-mədəni fəal Səid Sultanini iki il həbs cəzasına məhkum edib.
Güney Azərbaycanın Culfa şəhər sakini olan fəallara qarşı həbs qərarı rejimin Təbrizdəki İnqilab Məhkəməsinin 3- cü şöbəsinin hakimi Fəthnejad tərəfindən çıxarılıb.
Hökm şifahi şəkildə Babək Sultaninin vəkili Əsğər Məhəmmədiyə bildirilib. Onun təcridxanada keçirdiyi günlər də həbs müddəti kimi hesablanacaq.
Qeyd edək ki, Səid Sultani ötən il digər milli fəal Babək Kiyumərsi ilə birlikdə Culfa şəhərində iş yerlərində İran rejiminin ETTELAAT qüvvələri tərəfindən tutularaq rejimin Təbrizdəki ETELAAT İdarəsinin zindanına salınmışdılar.
Bir müddət sonra onlar hər biri 500 milyon tümənlik girov qarşılığında zaminə buraxılmışdılar.
Son günlərdə İranın irqçi fares rejimi Pərviz Siyabini 16 il, Ruzbeh Pirini 6 il və Səid Sultani ilə Babək Kiyumərsinin hər birini 2 il həbsə məhkum edib.
