GADTB Güney Azərbaycan Demokratik Türk Birliyi
GADTB: Sosial şəbəkələrdə yayılan görüntü və məlumatlara əsasən, 1404-cü il dey ayının 12-si axşamı Həmədan şəhərində etirazlar dördüncü günündə də davam edib və etirazçıların bir qismi ilə molla rejimin qüvvələri arasında toqquşmalar baş verib.
Məlumatlara görə, bu bölgədə keçirilən etiraz aksiyası zamanı birbaşa və üz-üzə qarşıdurmalar müşahidə olunub. Xəbərin hazırlandığı vaxta qədər saxlanılanların sayı barədə dəqiq məlumat yayılmayıb. Həmçinin mümkün yaralıların vəziyyəti rəsmi qurumlar tərəfindən nə təsdiq, nə də təkzib edilib.
Həmədan şəhərində baş verən genişmiqyaslı xalq etirazları zamanı Həmədan prokurorluğunun binasının girişi etirazçılar tərəfindən yandırılıb.
Bundan əlavə, Əsədabad, Ərak, Kərəc, Qəzvin və Cənubi Azərbaycanın digər şəhərlərində də etirazların davam etdiyi bildirilir.
