GADTB Güney Azərbaycan Demokratik Türk Birliyi
GADTB: ABŞ-ın CBS News telekanalı yaydığı hesabatda İranda baş verən kütləvi etirazlar zamanı ölənlərin sayı ilə bağlı ciddi xəbərdarlıq edib. Məlumata görə, sahə mənbələrindən toplanan məlumatlar, yayımlanan videolar və morqlardakı mövcud sübutlar əsasında etirazlar zamanı ən azı 12 mindən çox insanın öldüyü təxmin edilir. Bununla yanaşı, bəzi mənbələr real rəqəmin 20 minə yaxın ola biləcəyi barədə xəbərdarlıq edirlər.
Hesabatda morqlarda yığılıb qalan cəsədləri əks etdirən görüntü və videolara istinad edilir. Tibbi mənbələrin CBS News-ə bildirdiyinə görə, xəstəxanalar çox sayda etirazçının cansız bədəni ilə üz-üzə qalıb. Qurbanların əksəriyyətinin bədənində, xüsusilə baş və yuxarı bədən nahiyələrində odlu silah güllələrinin izləri müşahidə olunub.
CBS News vurğulayır ki, internetin ölkə üzrə tam kəsilməsi, tibb işçilərinə qarşı təzyiq və hədələr, eləcə də son dərəcə ağır təhlükəsizlik mühiti qurbanların dəqiq statistikasının aparılmasını ciddi şəkildə çətinləşdirir. Bununla belə, mövcud sübutlar göstərir ki, İran İslam Respublikasının etirazlara qarşı həyata keçirdiyi repressiyalar, İranın müasir tarixində ən qanlı basqılardan birinə çevrilib.
