Cümə axşamı , Dekabr 1 2022
azfa

Dağlıq Qarabağa qanunsuz turist səfəri

GADTB-nin Mətbuat Mərkəzinin əldə etdiyi məlumata görə, Azərbaycanın işğal olunmuş əraziləri və Dağlıq Qarabağa hər növ turist səfəri qanunsuz hesab edilir. Lakin bir sıra ölkələrdə o cümlədən İran adlanan ölkədə və Rusiyada Azərbaycanın işğal olunmuş ərazilərinə Azərbaycanın icazəsi olmadan turist səfərlərinin təşkili adi hal alıb. İranda Dağlıq Qarabağa turist səfərləri açıq təbliğ edilib və təşkil edilir. Bu barədə məlumat bizim saytımızda da dəfələrlə işıqlandırılıb.

Bu dəfə isə Polşada Azərbaycanlı Gənclər Şurası (PAGŞ) və onun nəzdində fəaliyyət göstərən Varşava Azərbaycanlılar Birliyi (VAB), Vroçlav Azərbaycanlıları Birliyi (VAB), Katoviçe Azərbaycanlılar Birliyi (KAB) və Lodz Azərbaycanlılar Birliyi Polşadakı “Adventure Club Radoslaw Kasprzak” turizm şirkətinin Dağlıq Qarabağa təşkil etdiyi turist səfərinə ciddi etiraz edib.

Nəticədə Azərbaycan Respublikasının işğal olunmuş ərazilərinə təşkil edilən qeyri-qanuni səfər ləğv edilib. Problemin aradan qaldırılmasında Azərbaycanın Polşadakı səfirliyinin rolu olub.

Bu barədə açıqlama verən PAGŞ-ın nümayəndələri bildiriblər ki, Polşada yaşayan azərbaycanlılar bu məsələdə çox böyük həmrəylik göstəriblər və Polşa ictimaiyyətinə tarixi həqiqətlərin çatdırılması istiqamətində işlər bundan sonra da davam etdiriləcək.

Qeyd edək ki, “Adventure Club Radoslaw Kasprzak” şirkəti Azərbaycan Respublikasının Polşadakı səfirliyinə Dağlıq Qarabağa nəzərdə tutulan səfərlərin ləğvinə dair rəsmi məlumat verib.

Həmçinin yoxlayın

Molla rejimi etirazlarda yolu bağlamaq istəyən azərbaycanlı fəalı edama məhkum etdi

GADTB-nin Mətbuat Mərkəzinə daxil olan məlumata görə, irqçi fars-molla rejimi etirazlarda yolu bağlamaq istəyən azərbaycanlı …

GADTB-nin iştirakı ilə “Urmiya gölünün qurudulması”na dair ictimai müzakirə keçirilib

GADTB: 30 noyabr tarixində “Urmiya gölünün qurudulması” ilə bağlı ictimai müzakirə keçirilib. Keçirilən müzakirədə “Güney …

Bir cavab yazın