GADTB Güney Azərbaycan Demokratik Türk Birliyi
GADTB: Britaniyanın Daily Mail qəzetinin yaydığı məlumata görə, İranda etirazların zorakılıqla yatırılması nəticəsində ölənlərin sayı kəskin şəkildə artaraq 33 min nəfəri ötüb. Bu rəqəm əvvəlki qiymətləndirmələrlə müqayisədə təxminən iki dəfə çoxdur.
Məlumata əsasən, 28 dekabr tarixindən başlayan etirazlar zamanı ölənlərin sayı əvvəllər 16 500–18 000 arasında qiymətləndirilirdi. Lakin son hesablamalar göstərir ki, hökumət qüvvələrinin sərt müdaxiləsi nəticəsində təxminən 33 100 nəfər həyatını itirib.
Hesabatda bildirilir ki, ölənlərlə yanaşı 97 645 nəfər də yaralanıb. Almaniya–İran əsilli göz cərrahı, professor Əmir Mübariz Parəstanın araşdırmalarına görə, yaralananların təxminən 30 faizi ciddi göz zədələri alıb.
O, həmçinin qeyd edib ki, İran hakimiyyəti etirazçılara qarşı edam cəzalarından da istifadə edib. Xəstəxanalara yerləşdirilən şəxslərlə bağlı məlumatlara əsasən, təkcə Tehran şəhərində 468 nəfərin, ölkə üzrə isə 500-dən çox etirazçının edam edildiyi bildirilir.
