GADTB Güney Azərbaycan Demokratik Türk Birliyi
GADTB: ABŞ-ın prezidenti Donald Trump İranla bağlı sərt bəyanatla çıxış edərək Tehrana növbəti dəfə xəbərdarlıq edib.
Onun sözlərinə görə, İranın dünən Hörmüz boğazı ərazisində atəş açması “atəşkəs razılaşmasının açıq pozuntusu” kimi qiymətləndirilir. Tramp bu addımın “yaxşı hal olmadığını” vurğulayıb.
O, həmçinin bildirib ki, ABŞ nümayəndə heyəti danışıqlar üçün İslamabad şəhərinə yola düşür və görüşlərin yaxın vaxtlarda keçirilməsi planlaşdırılır. Tramp İranın boğazı bağlamaqla bağlı açıqlamalarına da toxunaraq qeyd edib ki, bu addım əslində Tehranın özünə zərər vurur.
“Onlar fərqinə varmadan bizə kömək edirlər. Gündəlik 500 milyon dollarlıq itkiyə özləri məruz qalırlar, ABŞ isə heç bir zərər görmür”, – deyə o bildirib.
Tramp əlavə edib ki, Vaşinqton tərəfindən “çox ədalətli razılaşma” təklif olunub və İranın bunu qəbul etməsi ümid edilir. O, əks halda ciddi nəticələr olacağı ilə bağlı xəbərdarlıq edib:
“Əgər razılaşmanı qəbul etməsələr, İranın bütün elektrik stansiyaları və körpüləri məhv ediləcək. Artıq yumşaq davranış olmayacaq”, – deyə Tramp vurğulayıb.
Sabiq prezident həmçinin qeyd edib ki, belə bir addımın həyata keçirilməsi onun üçün “əvvəlki administrasiyaların görmədiyi işi görmək” baxımından əhəmiyyətli olacaq.
