Ermənistan bir ay ərzində sülh müqaviləsi imzalamağa hazır olacağını iddia edir

GADTB-nin Mətbuat Mərkəzinə daxil olan məlumata görə, Ermənistan tərəfi yaxın bir ay ərzində Azərbaycanla sülh müqaviləsi layihəsi və onun imzalanması üzərində intensiv işləməyə hazırdır.

Bu barədə Ermənistan Xarici İşlər Nazirliyindən bildirilib.

“Ermənistan və Azərbaycan arasında sülh sazişi imzalanmaq üçün yetərincə yetişib və Ermənistan tərəfi onun yaxın bir ay ərzində başa çatdırılması və imzalanması istiqamətində konstruktiv və intensiv işləməyə hazır olduğunu bildirir”, – məlumatda qeyd olunub.