GADTB Güney Azərbaycan Demokratik Türk Birliyi
GADTB: Ermənistanda Sovet dövründə tikilmiş Metsamor Atom Elektrik Stansiyası ciddi təhlükə yaradır.
Seysmik zonada yerləşən Metsamor “saatlı bomba” adlandırılır.
Qeyd olunur ki, 1976-cı ildə açılan və ölkənin elektrik enerjisinin təxminən 40 faizini təmin edən stansiya Ermənistanın paytaxtı İrəvandan cəmi 35 kilometr aralıda yerləşir. Türkiyə sərhədindən 16 kilometr aralıda yerləşən zavod 1988-ci ildə Spitak zəlzələsindən sonra altı il bağlı qalıb və 1995-ci ildə yenidən fəaliyyətə başlayıb.
Cənubi Qafqaz üzrə ekspert Peter Marko “Tase Daily Mail”dəki hesabatında zavodun texnoloji cəhətdən köhnəldiyini və iqtisadi çatışmazlıqlar səbəbindən böyük təhlükəsizlik riski yaratdığını vurğulayıb.
“Bu reaktorun fəlakətə səbəb olma riski çox yüksəkdir. Çernobıl kimi partlayış da torpaq, su və havanın çirklənməsinə səbəb ola bilər ki, bunun da təsiri illərlə Avropa səmasında hiss oluna bilər”, – Tase deyib.
Mütəxəssislər zavodun aktiv seysmik qırılma xəttində yerləşdiyini qeyd edərək, onun struktur təhlükəsizliyinin yetərincə olmadığını bildirirlər. Narahatlıqlar hələ 1995-ci ildə yenidən açılmazdan əvvəl də qaldırılmışdı. Həmin vaxt Ermənistan parlamentinin Ətraf Mühit Komitəsinin müşaviri Viktoriya Ter-Nikoqosyan demişdi ki , bu atom elektrik stansiyası heç vaxt təhlükəsiz olmayacaq. Potensial qəza Ermənistanın sonu olacaq.
Beynəlxalq Atom Enerjisi Agentliyindən Morris Rosen stansiyanın dizaynını “açıq-aşkar qeyri-adekvat” adlandırıb.
Hazırda zavod Rusiyanın dövlət nüvə enerjisi şirkəti olan Rosatomun texniki dəstəyi ilə işləyir. Doktor Tasenin fikrincə, bu, Kremlə Cənubi Qafqazda enerji siyasətində əhəmiyyətli rol verir. “Rosatom”un stansiyanın iki reaktorundan birini modernləşdirməsi gözlənilir, lakin 2023-cü ilin dekabrında imzalanmış sazişin həyata keçirilib-keçirilməyəcəyi hələ də aydın deyil.
