Ermənistanın müdafiə naziri İran səfiri ilə hərbi əməkdaşlığı müzakirə etdi

GADTB-nin Mətbuat Mərkəzinə daxil olan məlumata görə, Ermənistanın müdafiə naziri Suren Papikyan İranın İrəvandakı səfiri Abbas Bədəxşan Zühuri ilə əməkdaşlıq məsələlərini müzakirə edib.

Bu barədə Ermənistan Müdafiə Nazirliyi məlumat yayıb.

Məlumata görə, görüş Zühurinin Ermənistandakı diplomatik missiyasının başa çatması ilə əlaqədar baş tutub.

Qeyd olunur ki, tərəflər regional təhlükəsizlik məsələləri ilə bağlı fikir mübadiləsi aparıblar.