Fransa Xarici İşlər Nazirliyi Azərbaycanın etirazına cavab verib

GADTB-nin Mətbuat Mərkəzinin “Apa” Xəbər Agentliyinə istinadən yaydığı məlumata görə,  Fransanın Avropa və Xarici İşlər Nazirliyindən bildirilib ki, “Bizim mövqeyimiz aydındır: biz Dağlıq Qarabağı tanımırıq”.

Məlumata görə bu barədə Fransanın Avropa və Xarici İşlər Nazirliyindən açıqlama verilib. Nazirliyin məlumatında vurğulanır ki, “Alforvil bələdiyəsi tərəfindən imzalanan “xartiya”nı hökümət riayyət etməyə məcbur deyil”.

Qeyd edək ki, separatçı Dağlıq Qarabağ rejiminin rəhbəri Bako Saakyanın Fransaya səfəri çərçivəsində Alforvil bələdiyəsi ilə separatçı qurum arasında dostluq “xartiyası” imzalanıb.

Bununla əlaqədar Fransanın Azərbaycandakı səfiri Azərbaycan Xarici İşlər Nazirliyinə çağırılmışdı.