Ərdəbil zindanında bir məhbus on gündür dəmir çəpərə zəncirlənib

GADTB-nin “hra-news” insan haqları saytına istinadən yaydığı məlumata görə, Ərdəbil zindanında müvəqqəti saxlanılan Əfşin Seyyfulla oğlu Vəlipur on gündür zindan rəsmiləri tərəfindən zindanın karantin hissəsində əlləri və ayağından çəpər millərinə zəncirlənib.

Məlumata görə həmin məhbus qeyri-əxlaqi cinsi əlaqədə ittiham edilərək yaxalanıb. Əfşin Seyyfulla oğlu Vəlipur həbsxanada başqa bir məhbusla savaşdığına görə noyabr ayının 13-dən karantinə köçürülərək çəpərə zəncirlənib. Məhbusun cismi vəziyyətindən heç bir məlumatın olmadığı qeyd edilir.

Qeyd edək ki, İran adlanan ölkənin həbsxanalarında, o cümlədən də Ərdəbilin zindanında məhbuslara qarşı belə qeyri-insani hallara çox rast gəlinir.