GADTB Güney Azərbaycan Demokratik Türk Birliyi
GADTB: “Böyük Yeddilik” (G7) ölkələri dünən birgə bəyanat yayaraq bildiriblər ki, İran heç vaxt nüvə silahı əldə etməməlidir. G7, Yaxın Şərqdə davamlı sülh və sabitliyə sadiq qaldığını vurğulayaraq, Tehranın nüvə proqramı ilə bağlı hərtərəfli, yoxlanıla bilən bir razılaşmanın əldə olunması üçün danışıqlarına bərpasına çağırıb.
Bəyanat G7-nin Nüvə Silahlarının Yayılmaması haqqında Müqavilənin Direktorlarının son toplantısından sonra yayılıb. “İran, müqavilənin tərəfi olaraq qalmalı və nüvə silahı olmayan dövlət kimi öz öhdəliklərini tam şəkildə yerinə yetirməlidir”, – deyə, sənəddə vurğulanıb.
G7 həmçinin Tehranı təxribat xarakterli hərəkətlərdən çəkinməyə və Beynəlxalq Atom Enerjisi Agentliyi ilə dərhal və tam əməkdaşlığı bərpa etməyə, İrandakı bütün nüvə materialları haqqında yoxlanıla bilən məlumatı təqdim etməyə çağırıb.
