GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanınn müxtəlif şəhərlərində müəllimlər və təhsil işçilərinin etiraz aksiyaları bir neçə gündür davam edib.
Oktyabrın 14-də Təbriz, Culfa və Əərdəbil, Zəngan və s. şəhərlərdə Təhsil İdarəsinin qarşısına toplaşan müəllimlər və təqaüddə olan təhsil işçiləri təsnifatlaşdırma və əmək haqlarının uyğunlaşdırılması planının həyata keçirilməməsinə öz etirazlarını bildiriblər.
Etirazçı müəllimlər müxtəlif şüarlar, o cümlədən “Müəllim ayrıseçkilidən bezib” şüarı səsləndirməklə hüquqlarının pozulmasına etiraz ediblər. Onlar məsələnin həll olunması ilə bağlı İran hökuməti və Təhsil Nazirliyi tərəfindən verilən vədlərin yerinə yetirilməməsindən narazılıqlarını bildiriblər.
