GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycan şəhərlərində müəllimlərin etiraz aksiyaları yenidən başlayıb.
İranda Təhsil İşçiləri Kordinasiya Şurasının çağırışı ilə əksər şəhərlərdə müəllimlər yenidən etirazlara başlayıblar.
Onlar yenidən rütbələndirmə qanununun icra olunmasını, əmək haqlarının artırılmasını və təqaüdlərin bərabərləşdirilməsini istəyiblər.
Aksiyalarda həmçinin müəllimlər bundan öncəki etirazlarda tutulan müəllimlərin azad edilmələrini, öyrənci və şagirdlərin təhsillərini davam etdirmələrinə şərait yaradılmasını tələb ediblər.
Aksiyaların gün ərzində başqa şəhərlərdə də keçiriləcəyi, təhsil işçilərinin Təhsil İdarələri və valilik binaları qarşısına toplaşacaqları ilə bağlı sosial mediada bildirişlər yayılıb.
