Güney Azərbaycan şəhərlərində təqaüdçülər etiraz aksiyası keçirdilər

GADTB-nin Mətbuat Mərkəzinə daxil olan məlumata görə, bu gün Güney Azərbaycanın bəzi şəhərlərində təqaüdçülər etiraz aksiyası keçirdilər.

Günorta saatlarında Şərqi Azərbaycan əyalətinin Rabitə Şirkətinin təqaüdə çıxmış işçiləri etiraz aksiyası keçiriblər. Bir sıra digər azərbaycan şəhərlərində də oxşar etiraz aksiyası keçirilib.

Rabitə Nazirliyinin yerli idarələri qarşısına toplaşan təqaüdçülər pensiyalarının artırılmamasına, vaxtında ödənilməməsinə və qanunla nəzərdə tutulmuş başqa haqlarının pozulmasına etirazlarını bildiriblər.

Etirazçılar “vədləriniz yaxşıdır, ancaq hamısı yalandır”, “haqqımızı almayınca susmayacayıq”, “süfrələrimiz boşdur” və başqa bu kimi şüarlar səsləndiriblər.

Qeyd edək ki, Rabitə Nazirliyi təqaüdçüləri son illərdə davamlı etiraz aksiyası keçirirlər.