GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycan və İran şəhərlərində müəllimlər yenidən etiraz aksiyasına başlayıblar.
Güney Azərbaycanın Təbriz, Urmya, Zəncan, Tehran və s. şəhərlərində müəllimlər bu gün yanvarın 31-i səhər saat 10-dan başlayaraq Baş Təhsil İdarəsinin qarşısına toplaşıblar.
Hakimiyyət orqanları tərəfindən etirazçı sayının artmaması üçün ictimai və fərdi nəqliyyat vasitələrinin hərəkətinə məhdudiyyətlər qoyulub.
Müəllimlər rütbələndirmə qanununun icra olunmasını və təqaüdlərin ödənilməsini tələb ediblər.
İran Təhsil İşçiləri Koordinasiya Şurasının növbəti çağırışından sonra 29-30 yanvar tarixlərində oturaq aksiya keçirilib.
Güney Azərbaycan şəhərləri ilə yanaşı İranın da əksər şəhərlərində müəllimlər etiraz aksiyası keçiriblər.
