Təbrizdə təqaüdçülər yenidən etiraz aksiyası keçiriblər

GADTB-nin Mətbuat Mərkəzinə daxil olan məlumata görə, dünən yanvarın 30-da Təbrizdə bir qrup təqaüdçü yenidən etiraz aksiyası keçirib.

Təqaüdçülər bu ayda üçüncü dəfə yenidən Şərqi Azərbaycan əyalətində Sosial Təminat İdarəsinin qarşısına toplaşıblar .

Etirazçılar bundan öncə davamlı səsləndirdikləri “Haqqımızı almayınca susmayacağıq”, “Ləyaqətsiz məsul, istefa-istefa” s. şüarlarını səsləndiriblər.

Bu, yanvar ayında təbrizli təqaüdçülərin keçirdiyi üçüncü aksiyadır və bundan öncə onlar eyni istəklərlə yanvarın 16 və 23-də etiraz aksiyası keçiriblər.

Etiraz edən təqaüdçülər təqaüdlərinin aşağı olmasına, rütbələndirmə və bərabərləşdirmə qanununun tətbiq olunmamasına etiraz ediblər. Onlar həmçinin sığorta xidmətləri sahəsindəki problem və çatışmazlıqların həll edilməsini tələb ediblər.