Çərşənbə axşamı , Noyabr 17 2026
azfa

Güney Azərbaycanda rejimin yaxaladıqlarının çoxunun adı açıqlanmayıb

GADTB-nin Mətbuat Mərkəzinə daxil olan məlumata görə, irqçi fars rejim Güney Azərbaycanda təxminən 100 nəfəri yaxalasa da onlardan yalız az hissəsinin adını açıqladı.

Etirazlar zamanı Zəncan, Qərbi Azərbaycan, Şərqi Azərbaycan və Ərdəbil vilayətlərində nəzarət altına alınan təqribən 30 nəfərin adları məlum olub.

Lakin təkcə Şərqi Azərbaycanda 40, Zəncanda isə 30 nəfərin tutulmasıa etiraf edilib. Halbuki, digər Azərbaycan vilayətlərində də çoxsaylı azərbaycanlı həbs edilib. Lakin onların əksərinin adları açıqlanmayıb.

Siyahıya əsasən, Babək Hüseyni, Şahin Bərzgər, Davud Şiri, Əyyub Şiri, Ruzbeh Piri, Yaşar Piri, Fəraz Novruzi, Məhəmməd Mahmudi, Əkbər Mühaciri, Hüccət Muxtarzadə, Səccad Sıdqi, Əkbər Rasıxi, Qüdrətullah Yusufi və Əmir Tahir Təbrizdə, Salar Tahiri Afşar və Əli Əzizi Urmiyədə, Qəffar Rzaiyan, Məhəmməd Qəffari, Əkbər Ramazani, Məcid Fəxri, Əlirza Məhərrəmi, Həmid Dosti və Bəhram Cəfəri Zəncanda, Meysəm Colani, Mehrdad Şeyxi və Arəş Cavanşir Ərdəbildə, Siyamək Seyfi Meşkində, Tovhid Xadimi və Əhməd Abidi isə Qoşaçay şəhərində saxlanılıblar.

Tutulanların bəziləri təhlükəsizlik qurumlarının həbsxalarında bir neçə gün sorğu-sual edildikdən sonra mülki zəmanət qarşılığında müvəqqəti olaraq sərbəst buraxılıblar.

Eyni zamanda rejim son günlər həbsləri davam etdirərək daha çox azərbaycanlını həbs edib.

Həmçinin yoxlayın

Səhənd stadionu “Traxtur” komandasına verilir

GADTB: Təbrizin 70 min nəfərlik Səhənd stadionu “Traxtur” İdman Klubuna verilir. Bu haqda İran İdman …

İran zindanlarında məhbuslar çörək dilənirlər

GADTB: “Iran Wire” nəşri Tehran və Evin zindanlarında qida çatışmazlığı və məhbusların istismarı ilə bağlı …

Bir cavab yazın