GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Meşginşəhr (Xiyav) bölgəsində 15 yeni tarixi ərazi aşkarlanıb.
Ərdəbilin Mədəni Miras İdarəsinin direktoru İmanəli İmaninin açıqlamasına görə, sözügedən ərazidə 40 mindən artıq piktoqrafik yazı aşkarlanıb.
O, həmin rəsim və yazıları Güney Azərbaycan ərazisində bənzəri olmayan əsər kimi qiymətləndirib. Qaya üzərində yonulmuş, cızılmış və ya boyamaqla yazılmış bu yazılar və təsvirlər olduqca tarixi əhəmiyyətə malikdir.
İmani həmçinin deyib ki, aşkarlanan piktoqrafik təsvirlər zoomorf, antropomorf, eləcə də bitki və həndəsi təsvirlərdən ibarətdir.
O deyib: “Bu təsvirlər qədim insanların inanclarını, həyat tərzlərini və ictimai münasibətlərini əks etdirir”.
İmani həmin məntəqələrdə tədqiqatın davam etdiyini bildirib.
