Güney Azərbaycanın Süngün klubu dünyanın ən yaxşıları sırasında

GADTB-nin Mətbuat Mərkəzinə daxil olan məlumata görə, “Futzal Planet” saytı tərəfindən 2021-ci ildə dünyanın ən yaxşı futzal klublarının adları açıqlanıb.

Güney Azərbaycanın Vərziğan şəhərinin Mis-i Süngün Futzal klubu dünyanın ən yaxşı 10 klubu sırasında yerləşib.

Futzal üzrə İran Premyer Liqasının son mövsümlərində ardıcıl olaraq dörd dəfə çempion olan Güney Azərbaycanın Mis-i Süngün klubu İspaniyanın Barselona, Portaqaliyanın Sporting, Rusiyanın Sinara və Braziliyanın Megnus klubları ilə eyni sıradadır.

Həmçinin dünya çempionatı öncəsi sonuncu təlim düşərgəsində millidən uzaqlaşdırılan Vərziğanın Mis-i Süngün klubunun oyunçusu Salar Ağapur dünyanın ən yaxşı gənc futzalçısı siyahısına salınıb. Eyni zamanda Güney Azərbaycan komandasının qapıçısı Əlirza Səmimi dünyanın ən yaxşı 10 qapıçısından biri kimi təqdim edilib.

Bunlarla yanaşı həmin Güney Azərbaycan komandasını Premyer Liqanın çempionluğuna aparan klubun keçmiş baş məşqçisi Əhməd Bağbanbaşı isə 2021-ci ilin ən yaxşı 19 baş məşqçisindən biri seçilib.

Həmçinin yoxlayın

Traxturun xanım tərəfdarları stadiona gələ biləcək

GADTB: Şərqi Azərbaycan əyalətində Traxtur futbol komandasının qadın tərəfdarlarının  stadiona girişinə icazə verilib Bu haqda …

Azərbaycanlı fəal Əhəd Seyfxah zaminə buraxıldı

GADTB: Azərbaycanlı milli fəal Ayaz Seyfxahın qardaşı Əhəd Seyfxah dünən Təbrizin mərkəzi zinanından istintaq prosesinin …