GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Gübe Azərbaycanın Takistan bölgəsində etiraz aksiyası keçirilib.
“Təravət novin” avtomobil şirkəti tərəfindən pulları mənimsənilən takistanlılar şəhər qubernatorluğu qarşısına toplaşıblar.
Aksiya yerinə polis qüvvələrinin cəlb olunmasından sonra etirazçılar hökumət əleyhinə şüarlar səsləndiriblər.
Onlar dövlətin himayəsində olan avtomobil şirkətinin çox sayda vətəndaşın pulunu almasına baxmayaraq, illərdir avtomobillərini təhvil vermədiyinə etiraz ediblər.
Qeyd edək ki, son 1 il ərzində bir neçə dəfə oxşar aksiya keçirilsə də, qəzvinlilərin nə avtomobilləri, nə də pulları qaytarılır.
