GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Təbriz şəhərinin yaxınlığında Pinəşalvar kəndində yerləşən tarixi Pinəşalvar qəbristanlığı məhv edilməkdədir. Rejimin qəsdən baxımsız buraxdığı ərazi dağıdılıb və qarət edilir.
Arxeoloqlar qəbristanlıqdakı qəbirlərin və qəbir daşlarının bir neçə min il tarixi olduğunu bildirir. Lakin tarixi ərazi və qəbristanlıq baxımsız vəziyyətdə buraxılıb və dağılmaqdadır.
Qeyd edək ki, tarixi Pinəşalvar qəbristanlığında qəbir daşları və baş daşları çox maraqlı formadadır. Baş daşları əsasən iki formada və insan bədəninin üzvləri təcəssüm etdirir.
