Həkimə Əhmədinin həyat yoldaşı 27 ay həbsdən sonra azadlığa buraxıldı

GADTB-nin Mətbuat Mərkəzinə daxil olan məlumata görə, irqçi fars rejimin həbs etdiyi Həkimə Əhmədinin həyat yoldaşı Məhəmmədrza Qurbani 27 ay həbs çəkdikdən sonra azadlığa buraxılıb.

Qeyd edək ki, Məhəmmədrza Qurbani 2018-ci ilin oktyabr ayında irqçi fars rejim tərəfindən şərlənərək “Sistem əleyhinə təbliğat aparmaq” və “Separatçı qruplara üzvlük”də ittiham edilərək iki il həbsə məhkum edilmişdi.

Azərbaycanlı fəal rejimin Marağada yerləşən zindanında 2 il həbsdə qaldıqdan sonra rejimin məhkəmə orqanları və s. idarələrinin yalan bəhanələri ilə sərbəst buraxılmırdı. Nəhayət azərbaycanlı fəalın ailə üzvləri və yaxınlarının davamlı aidiyyəti dövlət orqanların müraciətindən sonra azadlığa buraxılıb.