GADTB Güney Azərbaycan Demokratik Türk Birliyi
GADTB: Həmədan müəllimlərinin həmkarlar ittifaqı fəalı Rza Müslimi barəsində irəli sürülmüş ittihamlarla bağlı məhkəmə iclası keçirilib.
Məlumata görə, işə baxılması üzrə məhkəmə iclası 27 xordad tarixində Həmədan İnqilab Məhkəməsinin ikinci şöbəsində hakim Trabburpurun sədrliyi ilə baş tutub.
İclas zamanı Rza Müslimi “toplaşma və əlbir olma”, “virtual məkanda ictimai rəyi çaşdırma” və “qrup yaratma” ittihamları üzrə öz müdafiəsini təqdim edib.
Həmədan müəllimlərinin həmkarlar ittifaqı fəalı Rza Müslimi 1404-cü ilin 19 dey tarixində təhlükəsizlik qüvvələri tərəfindən öz evində saxlanılmışdı. Axtarış zamanı ailə üzvlərinin mobil telefonları da götürülmüşdü.
O, həmin ilin 25 Bəhmən tarixində 9 milyard tümən məbləğində girov qarşılığında Əlvənd həbsxanasından müvəqqəti azadlığa buraxılmışdı.
Qeyd olunur ki, Rza Müslimi bundan əvvəl də müəllimlərin hüquqlarının müdafiəsi sahəsində fəaliyyəti ilə əlaqədar bir neçə dəfə saxlanılmış və məhkəmə təqibi ilə üzləşmişdi.
