Çərşənbə , Dekabr 7 2022
azfa

İran dövləti Azərbaycanı istəmir və ona sevgisi yoxdur

GADTB-nin mətbuat mərkəzinə daxil olan məlumata görə, bu sözləri Urmiyanın İran adlanan ölkənin məclisindəki millət vəkili Nadir Qazipur deyib. O bildirib ki, Dövlətin Azərbaycana sevgi və marağı yoxdur. Bunun səbəblərindən biri kimi, Qərbi Azərbaycan vilayətində bir dənə də dövlət zavodunun olmamasının göstərmək olar.

N.Qazipur İranın birinci televiziya kanalında canlı şəkildə “Formula-1” proqramında yayılan çıxışında İran dövlətinin şimal-qərb bölgəsinə diqqətsizliyinə etiraz edərək deyib: “Təəssüflə kənd təsərrüfatı naziri bu bölgənin iqtisadiyyatına maraq göstərmir və yalnız düyü və geni dəyişdirilmiş bitkilər idxal etməklə məşğuldur. Urmiya ən çox meyvə saxlama soyuducularına malikdir və dünyada istehsal olunan almanın dörddə biri Qərbi Azərbaycan vilayətində istehsal olunur. Lakin digər meyvələr kimi alma istehsalına da icazə versələr almalar yolların kənarına tökülüb qalmaz”.

N.Qazipur qeyd edib ki, dövlət Azərbaycana diqət yetirməlidir. Bizdə Azərbaycan qeyrəti vardır. Kimsə Azərbaycana çəp baxsa gözünü çıxardarıq. Mən Azərbaycan bağçılarının yanında xəcalətəm. Onalara zülm edirlər. Kimsə onların dərdini bilsə ağlayar. Dəllallar və müxtəlif şəxslər də onların pulunu vermir.

Qeyd edək ki, İran rejiminin Cənubi Azərbaycana ayrı-seçkilik siyasəti nəticəsində Azərbaycan türklərinin istehsal etdiyi məhsullar da əllərində qalıb xarab olur.

Həmçinin yoxlayın

Həbsdə aclıq aksiyası keçirən azərbaycanlı öyrənci fəal Armita Pavirin həyatı təhlükədə

GADTB-nin Mətbuat Mərkəzinə daxil olan məlumata görə, Təbriz Universitetində keçirilən etiraz aksiyasında molla rejimin məmurlarıın …

Sayın Mikayil bəy Oytanın avstraliyalı rəsmilərlə görüşü

GADTB-nin Mətbuat Mərkəzinə daxil olan məlumata görə, Avstraliya-Azərbaycan Assosiasiyası prezidenti və Güney Azərbaycan Demokratik Türk …