İran Ermənistanda Azərbaycana qarşı Nizami Gəncəvi konfransı keçirib

GADTB-nin Mətbuat Mərkəzinə daxil olan məlumata görə, Azərbaycan həqiqətlərini təhrif etməklə Nizami Gəncəvini fars şairi kimi qələmə verən İran Ermənistanın paytaxtı İrəvan şəhərində martın 14-də Azərbaycana qarşı “Aran və Şirvanda Nizami Gəncəvi və farsca danışıq” mövzusunda konfrans keçirilib.

İran rejimi İrəvan Dövlət Universitetinin İranşünaslıq kafedrası ilə Azərbaycana qarşı keçirdiyi konfransda Azərbaycan həqiqətlərini təhrif edərək Azərbaycan şairi Nizami Gəncəvini İran şairi kimi təqdim edərək, Nizami Gəncəvinin anım həftəsi münasibəti ilə ermənilərlə həmin konfrans keçirib.

İran rejimi həmin konfransa Nizami Gəncəvi barədə həqiqətləri təhrif etməklə yanaşı Azərbaycanı da Aran kimi təqdim edib, eyni zamanda Azərbaycanda danışılan dili də fars dili kimi təqdim edərək Azərbaycanla bağlı həqiqətləri təhrif edib.

Qeyd edək ki, İran və Ermənistan Azərbaycanın bir çox mədəni irsini oğurlayıb erməni və fars mədəniyyəti və mədəni irsi kimi təqdim edirlər.