GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran Ermənistanla bu təcavüzkar ölkəni silahlandırmaq üçün 500 milyon dollarlıq gizli silah müqaviləsi imzalayıb.
Bu barədə “Iran International” öz mənbəsinə istinadən məlumat yayıb.
Yaxın Şərqdə yüksək rütbəli hərbi məmur olan mənbənin sözlərinə görə, Tehran İrəvanı kamikadze pilotsuz təyyarələri ilə təchiz edir.
Bildirilib ki, sözügedən razılaşma bir neçə müqaviləyə bölünüb və son bir neçə ayda imzalanıb.
“Iran International” İranın Ermənistana tədarük edəcəyi hərbi məhsulların eksklüziv siyahısını əldə edib. Buraya Şahed 136, Şahed 129, Şahed 197, Mohajer kimi pilotsuz təyyarələr və 3-cü Xordad, Məcid, 15-ci Xordad və Arman kimi hava hücumundan müdafiə raket sistemləri daxildir.
Eyni zamanda İranın Ermənistanda hərbi baza açması məsələsinin də müqavilədə mövcud olduğu ehtimal edilir.
