İran rəsmiləri bir neçə dəfə Rusiyaya gizli səfər edib

GADTB: Əli Xameneinin müşaviri Əli Laricani də daxil olmaqla İran rəsmiləri son vaxtlar İran hökumətinin hərbi və müdafiə qabiliyyətini, o cümlədən nüvə silahı əldə etmək imkanlarını gücləndirmək məqsədi ilə bir neçə dəfə gizli şəkildə Rusiyaya səfər ediblər.

“Times” nəşri yaydığı məlumata görə, Laricani son aylarda bir neçə dəfə gizli uçuşlarla Rusiyaya səfər edib və İranın nüvə proqramı və hava hücumundan müdafiə sistemlərində Moskvadan kömək almaq üçün yüksək səviyyəli rus rəsmiləri ilə pərdəarxası danışıqlar aparıb.

“O, rejimin əsas adamlarından biri, Xameneinin nümayəndəsidir və əhəmiyyətli planları idarə etmək və onları həyata keçirməklə tanınır… Onun Moskvaya gizli uçuşları İran və Rusiya arasında münasibətlərin qarşılıqlı şəkildə dərinləşdiyini və daha da artdığını göstərir”,- “Times” yazıb.