GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İranın irqçi fars rejiminin iyulun 16-da Urmiya gölünün qurudulmasına qarşı keçirilən etirazlarla bağlı yaxaladığı azərbaycanlı milli-mədəni fəal İbrahim Asimani vəsiqə qarşılığında zaminə buraxılıb.
İbrahim Asimani iyulun 27-də 100 milyon tümənlik vəsiqə girov qoymaqla müvəqqəti olaraq rejimin Təbrizdəki zindanından sərbəst buraxılıb.
Qeyd edək ki, İbrahim Asimani (Azəroğlu) iyulun 16-da Urmiya gölünün qurudulmasına qarşı keçirilən etirazlarla bağlı yaxalanmışdı.
O, bundan öncə yaxınları vasitəsilə zindandan yaydığı səs qeydində haqsız yerə saxlanıldığını, heç bir günahının olmadığını demişdi.
Azərbaycanlı fəal haqsız yerə yaxalandığı üçün rejimin Təbrizdəki zindanında aclıq aksiyasına başlayıb və bir neçə gün aclıq aksiyası keçirmişdir.
