GADTB-nin Mətbuat Mərkəzinə daxil olan məlumata görə, İran rejiminin şərlədiyi azərbaycanlı milli fəalllara bəraət verilib.
Rejimin Təbrizdəki Cinayət Məhkəməsinin 111-ci şöbəsi azərbaycanlı milli fəallar Cabbar Rahdar, Hadi Əfsəri, Qulamhüseyn Qaracadağı, Puya Xudayi, Şayan Təqəvi, Yaşar Kazimi, Arif Muradpur, Əbülfəz Kəraməti, Hüseyn Yusifi, Ulduz Qasimi və Munirə Çəmən Gülzara bəraət verib.
Azərbaycanlı fəallara “Qeyri-adi hərəkətlər etmək və səs-küy salmaqla ictimai asayişi pozmaq, qanunsuz aksiyaya qatılmaqla vətəndaşların iş fəaliyyətlərinə, təhlükəsizliklərinə əngəl törətmək” ittihamından bəraət alıblar.
Qeyd edək ki, həmin azərbaycanlı fəallar iyulun 24-də Təbrizdə əl-Əhvaz etirazlarına dəstək məqsədilə keçirilən etrirazlar zamanı yaxalanmışdılar.